Kommunal- og regionalminister Magnhild Meltveit Kleppa vil innføre nye reglar som gjer at kommunane kan dekkje inn tapa etter Terra-investeringane med mindre dramatiske kutt i velferdstilboda.
I følgje dagens reglar må kommunane fordele tapa over fire år.
I statsråd i dag vedtok regjeringa at norske kommunar unntaksvis bør få reknskapsføre tap og ekstraordinære utgifter over ti år.
Les også:
Vil skjerme innbyggjarane
- Dette er ein positiv nyhende som vi tek imot med glede, seier ordførar i Bremanger Kåre Olav Svarstad.
Bremanger har tapt 180 millionar kroner på Terra-investeringane. Dersom dette skal dekkjast inn på fire år, vert det 45 millionar kroner i året. Over 10 år vert det 18 millionar i året.
- Vi får no ein ny situasjon som vert enklare å takle. Eg legg merke til at kommunalministeren vil skjerme innbyggjarane, og det vil vi truleg klare og oppnå no, seier han.
Klarer ein realistisk plan
Tilsette på rådhuset i Svelgen er i dag letta over at kommunen får betre tid til å dekkje dei store tapa på.
- Eg har sett mange på rådhuset stråle opp i dag. No kan vi lage ein realistisk plan i staden for noko som vi ikkje var mogleg å gjennomføre.
- Er det lurt å seigpine kommunen over mange år?
- Vi må gjere det vi kan for å ta det over kort tid, seier Svarstad.