– Eg hadde som mål å komme med der, så det var moro, seier Petter Strand til NRK.no.
Han har visst om landslagsuttaket ein times tid då han snakkar med NRK. Det er første gongen han er teken ut i ein ordinær landslagstropp. Frå før har han vore på treningssamling med U21-landslaget.
På landslaget er bergensaren i selskap med Sogndal-kollega Mathias Dyngeland. Sjå heile uttaket i boksen til høgre.
På landslaget i rekordfart
Det er berre eitt år sidan Strand spelte i 3. divisjon for Tertnes i Bergen. Han var også innom Fyllingsdalen på lån, og først i vinter kom han til Sogndal - der han tok kontakt og spurte om å få vere med og trene med andrelaget til klubben.
- LES OGSÅ:
Sidan då har 20-åringen utvikla seg i rekordfart, og i vårsesongen var han ein av dei dominerande spelarane på Sogndal.
– Det har gått veldig fort. Eg har teke store steg sidan i fjor. Men eg har alltid hatt ambisjonar om å spele på høgast mogleg nivå, og eg synest det berre er moro med nye utfordringar, seier Strand.
- LES OGSÅ:
– Kan ikkje klage på denne veka
No håpar midtbanespelaren å etablere seg også på U21-landslaget, der han meiner han kan bidra både defensivt og offensivt.
Det gjorde han iallfall for Sogndal sist serierunde, der heimelaget endeleg fekk fart på sakene med 4-1 over Haugesund - og med Strand som ein sentral brikke.
– Eg kan ikkje klage på denne veka, gliser han.
- LES OGSÅ:
- LES OGSÅ: