Politiet har framleis ikkje avhøyrd sunnfjordingen som er sikta for over 170 svindelsaker.

Mannen i 30-åra vart pågripen i Spania i midten av juli, men vart utlevert til Noreg i førre veke. Han samtykka til fire veker varetektsfengsling. Det er praktiske årsaker til at mannen førebels ikkje er avhøyrd.

Politioverbetjent Stine Mari Vårdal ved Førde politistasjon seier til NRK at dei håpar å få avhøyrt den sikta i løpet av neste veke.