I løpet av torsdag har UP halde to trafikkontrollar i Stryn kommune.
Først på dagen heldt dei promillekontroll på riksveg 15 ved Skredestranda. I alt vart 40 bilistar kontrollerte, alle bles grønt.
Tok bilist med for mange prikkar
Politiet heldt så fram med fartskontroll på fylkesveg 60 i Innvik. Her fekk ni bilførarar forenkla førelegg for høg fart. Høgste fart vart målt til 80 kilometer i timen i 60-sona.
I tillegg vart ein bilførar politimeldt samt fråteken førarkortet grunna for mange prikkar.
Også lovlydig i Florø
Politiet i Florø heldt promillekontroll på Evja i Florø på torsdag. Dei kontrollerte 16 bilførarar, alle bles grønt.