Ein av dei som har prøvd begge deler er stryningen Mats Solheim. Fram til januar 2012 spela han for Sogndal. Så reiste han til svenske Kalmar. Der er han med i medaljekampen i Allsvenskan som er den svenske eliteserien.
Fire kampar før slutt ligg Kalmar på femteplass, berre tre poeng bak bronseplassen.
– Vi internt i laget har trudd at vi skulle få det til. Men no er det artig å vere med på dette, seier han.
25-åringen frå Loen kom frå Stryn til Sogndal i 2006. Totalt spelte han 164 kampar for sogningane, før han vart klar for proffeventyr i Kalmar.
– Eg reiste hit for å ta eit steg i karrieren min, men så fekk eg ein skade. Det var kjedeleg.
- LES OGSÅ:
- LES OGSÅ:
Spelar annleis fotball
Sesongen i fjor blei øydelagd av ein korsbandsskade. Han tykkjer det var kjedeleg for han var inne i ein god periode då skaden ko, No er han tilbake på same nivå som han var. Stryningen har fått tillit i 21 kampar og har skåra to mål.
– Men tanke på at eg var ute så lenge i fjor, må eg vere nøgd med sesongen så langt. Eg har vore bra defensiv, men har meir å gå på offensivt. Men alt i alt er eg godt nøgd.
Han likar seg i svenske Kalmar og seier svenske lag spelar annleis fotball enn norske.
– Det er litt anna type fotball enn eg har vore vant med i Sogndal og Norge generelt. Heime er dei veldig opptekne av å liggje på rett side og ha ein defensiv struktur. Her er det meir at ein skal presse og presse. I tillegg prøver mange lag å spele mykje meir på bana. Her held ein meir i ballen og går til angrep på ein litt annan måte.
- LES OGSÅ:
- LES OGSÅ:
Halvanna år igjen
Utanlandsproffen har halvanna år igjen av kontraken i Kalmar. Slik det ser ut no, blir han verande.
– Det fristar ikkje å reise heim no, men i fotballen er det av og til vanskeleg å vite kva som skjer framove.
Og sjølv om han held seg i Sverige, har han ikkje gløymt gamle lagkameratar i Sogndal. Han følgjer med laget og har sett nokre av kampane.
– Dei har vel fire tap på rad. Får dei ein siger til, så skal dei klare seg i eliteserien. Det er trongt i botnstriden, men eg trur dei klarar seg, seier han.