Eit hundretals menneske samla seg i Stryn torsdag. Ulike delar av næringslivet fortalte kor viktig den vidaregåande skulen er for næringslivet i kommunen.
I fjor sette ein ned ei gruppe som skulle utvikle samarbeidet mellom skulen og næringsliv i Stryn.
– Rapporten til Norconsult har aktualisert prosjektet endå meir. No er det naturlegvis full gass, seier prosjektleiar Knut-Henning Hjellbakk.
I fjor kom konsulentselskapet Norconsult med ein rapport, der dei blant anna føreslo å leggja ned halvparten av dei vidaregåande skulane i Sogn og Fjordane.
- LES OGSÅ:
– Totalt uaktuelt
Stryn vil som dei fleste andre kommunar som har ein vidaregåande skule, kjempe med nebb og klør for å behalda skulen i sin kommune.
– Me i Stryn er kjende for å utvikle eit sterkt næringsliv. Både innanfor fylket, og også på landsbasis, er me kjend for å ha mange sterke bedrifter og sterke merkevarer, seier bedriftsleiar Arild Bødal.
- LES OGSÅ:
– Me kjem aldri til å sitja i ro og sjå på at eit scenario slik Norconsult sin rapport peikar på, bli ein realitet. Det kan både fylkeskommunen, politikarar og innbyggjarar merke seg: det er totalt uaktuelt.
Han seier det handlar om å vise kor viktig ein desentralisert skulestruktur i Sogn og Fjordane er for å vidareutvikla fylket.
– I løpet av dei neste 15-20-åra, so går ikkje elevtalet ned i Hornindal og Stryn. Me vil vidareutvikle skulen til det samfunnet treng i framtida, seier han.
- LES OGSÅ:
- LES OGSÅ:
Fylkespolitikarane merkar presset
To av dei som skal ta den vanskelege avgjerda, er fylkespolitikarane Jenny Følling, fylkesvaraordførar (Sp) og Norvall Nøringset, leiar hovudutval for opplæring (Sv).
– Eg merkar presset gjennom media. Det er tydeleg at kommunane som har vidaregåande skular diskuterer korleis dei skal angripe dette og få fram sine synspunkt, seier Følling.
- LES OGSÅ:
- LES OGSÅ:
– Eg tykkjer det er kjekt at mange engasjerer seg, det er positivt og førebels er det uproblematisk å forhalde seg til, seier Nøringset.
Følling seier at ho opplever at folk skjønar at det må gjerast endringar, men at ingen vil at det skal gjerast hjå dei.
– Det er den utfordringa me har no, seier ho.
– Elevane må i fokus
– Skulane er først og fremst for elevane. Elevfokuset syns eg er litt fråverande i ein del av dei lesarinnlegga eg ser. I morgon skal eg møta med ein representant for korleis ein skal få elevane på bana for ikkje å drukne i næringsliv i politiske grupperingar og ordførarar, seier Nøringset.
Dei neste åra skal det skal reduserast 40 elevgrupper.
– Eg er skeptisk til at politikarar og næringslivsfolk gløymer å sjå utgangspunktet for debatten; at me får 600 færre elevar dei neste 10 åra, 80 millionar mindre å drive skulane for, og dei veit inderleg godt at det kostar å drive skular, seier Nøringset.
- LES OGSÅ:
Ordførar i Stryn, Sven Flo (Høgre), meiner fylkespolitikarane nyttar feil strategi.
– Me har ei folketalsutvikling og elevtalsutvikling som er heilt annleis enn det rapporten seier. Skal me halda fram å veksa, so må me ha ein vidaregåande skule.