Draumepåske for surfarar mellom bratte fjellsider

Mange surfarar reiser jorda rundt på leiting etter dei beste bølgjene. På kysten av Sogn og Fjordane fann dei akkurat det dei var ute etter, mellom bratte fjellsider i havgapet ved Stad.

Lars Musschoot frå Belgia hadde lest om staden på internett.

– Eg kom hit med store forventningar og det var betre enn eg trudde. Det er verkeleg flott her, seier han og legg til at han heilt sikkert kjem igjen.

• LES OGSÅ: Kjempar om NM-tittelen i bølgjene
• LES OGSÅ: Trossar vêr og vind for å surfe

På den kilometer lange stranda finn du nemleg ein av Norges vakraste surfeplassar. Ein annan som har reist langt er Edilberto Morales Mendez frå Panama. Det første døgeret han var her, opplevde han tre årstider, toppa med ein snøstorm.

Men snøen, den kalde vinden og det iskalde vatnet skremmer ikkje surfaren som er van med meir behagelege temperaturar.

– Det går veldig greitt å takle det kalde vatnet her, seier han.

Mendez seier Hoddevika er som eit paradis.

– Dette er så unikt og det er så fredeleg her, seier han.

• LES OGSÅ: Surfeparadiset Hoddevika får endeleg mobildekning
• LES OGSÅ: Student laga film om surfemamma på Stad - vann prisen Årets Bilde