Støttespelarar på plass i Samnanger

Rundt 20 tilreisande hadde samla seg på parkeringsplassen utanfor biblioteket på Bjørkheim då kommunestyret i Samnanger blei opna kl 09. Ei Facebook-gruppe har den siste veka samla 4000 personar for å markera si støtte til ordførar Knut Harald Frøland, som har gått i front for det som kan bli eit historisk vedtak i dag. Talsperson Inger Krogh (t.h.) har reist frå Stavanger i lag med søstrene. – Me gjer dette for å markera at me stiller oss bak dette forsøket.