Storstilt leiteaksjon i Hordaland avslutta

Fleire helikopter var med i leiteaksjonen etter melding om eit propellfly som kunne ha gått ned. No er søket avslutta utan funn.

LEITEAKSJON: Tre redningshelikopter var med i leitinga etter det som kunne vera ei mogleg luftfartsulykke. Dei fann ingenting, og har avslutta søket.

Klokka 16.30 fekk politiet melding frå eit vitne som skulle ha sett eit propellfly som flaug ned i ei grop ved Middagsnuten i Lofthus i Ullensvang. Vitnet beskreiv steinar som rasa, etterfølgt av eit stort smell.

Tre timar seinare, klokka 19.30, melder HRS på Twitter at søket er avslutta utan funn.

Laster Twitter-innhold

Operasjonsleiar i Vest politidistrikt, Knut Dahl-Mikkelsen opplyste tidlegare i dag at mykje tyda på at det kunne ha skjedd ei ulykke, men at det òg kunne vera eit ras.

Tre helikopter var med i leitinga.

Det var ein tilfeldig turgåar i området som tipsa om saka. Vedkommande blei tatt med opp i eit helikopter for å saumfara staden.

Redningsleiar ved Hovedredningssentralen, Bjørn Magnussen seier at området er godt og grundig søkt gjennom.

Magnussen opplyser at fleire har tatt kontakt med dei i ettertid og sagt at dei har sett ulike luftfartøy i området.

– Men me kan ikkje seie sikkert at dette handlar om same tidsrom. Det er mellom anna fleire fly som flyr sightseeing frå Ullensvang-sida og frå andre plassar, seier han.

– Me ønskjer å høyra frå folk dersom det er andre som har sett noko, seier Dahl-Mikkelsen.

Laster Twitter-innhold