I helga underteikna dei 147 medlemslanda i Verdas handelsorganisasjon (WTO) ein avtale som gjer at eksportsubsidier og anna eksportstøtte til landbruket vert fjerna. Som følgje av denne avtalen, vert det slutt på eksportproduksjonen av både Norvegiaost og Jarlsbergost i Noreg.
Må tenkje nytt
Tine Meieriet Vest på Byrkjelo må tenkje nytt som følgje av WTO-avtalen. Meieriet er den største produsenten av kvitosten Norvegia her i landet, og kjem til å merke at det blir slutt på eksportproduksjon av både Norvegiaost og Jarlsbergost. Meieristyrar ved Tine Meieriet Vest på Byrkjelo, Thorkild Heieren, seier det er for tidleg å seie om meieriet må nedbemanne.