Store steinblokker losna frå vel 100 meters høgde og dundra ned mot fylkesvegen. To av dei dekte halve vegbanen på fylkesveg 5602, og vegen blei stengd.
– Ein del større steinar har hamna ned mot sjøen. Dei skal vere på storleik med personbilar, fortalde trafikkoperatør Jan Erikstad ved Vegtrafikksentralen i 10-tida.
Entreprenør blei varsla og ein anleggsmaskin kom til staden. Geolog Ingrid Bjørnerheim Hynne har vore i området for å sjekke fjellsida. Ho seier massane ser stabile ut.
– Det ser ut som det meste har kome ned, og det som ligg att ligg relativt stabilt.
Vegen er no opna att, opplyser Vegtrafikksentralen.
SKAL UNDERSØKJE: Ein geolog er på veg til staden.
