SISTE 17.00: Trafikken blir dirrigert på staden medan berging av lastebilen pågår. Vegen vil truleg vera ferdig rydda klokka 19.
Politiet sin operasjonssentral i Florø melder om store materielle skader på køyretøyet etter at ein semitrailer køyrde av vegen ved Avleinsvika på fv. 60.
– Det er snakk om mindre personskadar på føraren. Han er sendt med ambulanse til lege i Stryn. Føraren er avhøyrt og det er ikkje mistanke om rus, seier operasjonsleiar ved politiet sin operasjonssentral i Florø, Kai-Henning Myklebust.
Det var berre semitraileren som var involvert i ulukka. Politiet melder om at det er passasje på staden, men at vegen kan bli stengd under bilberging.
Alle naudetatane rykka ut til trafikkulukka.
BERGING: Semitraileren stod bom fast, og måtte ha hjelp frå bergingsbil for å kome seg på vegen att.
Foto: Wilhelm Støylen / NRK