Det har vore stor pågang ved det nye overgrepsmottaket på Førde sentralsjukehus dei siste månadene. Sidan mottaket opna i mai har ni overgrepsoffer vore innom, skriv avisa Firda.
Dagleg leiar ved Førde legevakt, Helge Ulvestad, meiner utviklinga er skremmande.
– Historisk sett ligg statistikken på 10–18 overgrep i året. Men no ser vi at vi nærmar oss dei tala etter berre fem månader. Det har og vore episodar med offer under 18 år, seier Ulvestad til avisa.
- LES OGSÅ:
- LES OGSÅ:
Ulvestad meiner talet på overgrepssaker er for høgt og er glad mottaket endeleg har kome i gang. Ulvestad meiner terskelen for å varsle om slike hendingar har blitt lågare. Tre av sakene dei har hatt til no er overfallsovergrep.
– Å komme i gang med behandlinga av kjenslene og sikring av spor for å avsløre gjerningspersonen, er avgjerande for korleis ein kjem seg vidare, seier legevaktsleiaren til Firda.
Fagleg ansvarleg ved mottaket, Øystein Furnes, meiner likevel det er for tidleg å seie noko om tala er aukande.
- LES OGSÅ: