I ni-tida fredag morgon opplyser politiet i Stryn og Hornindal på Facebook at dei har fått indikasjonar på at bilen kan ha vore i både Stryn og Hornindal før den vart stoppa på Vassenden i Jølster.
– Det viste seg at det var ein bil med ein del gjenstandar, og det er grunn til å tru at dette er tjuvegods. Vi veit ikkje kor dette kjem frå, seier operasjonsleiar ved Kjetil Drange.
I bilen var det to personar. Begge er busett i Sunnfjord.
– Det var ein mann i 30-åra og ei kvinne i 40-åra. Det er mistanke om rus, seier Drange.
– Har dette samanheng med tjuveri som har skjedd i same området den siste tida?
– Det kan vi ikkje sei noko om no.
Politiet skal etterforske dette vidare. Personane er kjende for politiet og namna har dukka opp i fleire meldingar dei siste dagane.
