Stengde fjellovergangar og kolonnekøyring

Her må du bu deg på ventetid om du skal over fjellet mellom Vestland og Austlandet onsdag formiddag.

Leiro bom på riksveg 7 opp mot Hardangervidda

Leiro bom på riksveg 7 opp mot Hardangervidda.

Foto: Webkamera / Statens vegvesen

Det er stengde fjellovergangar fleire stader i Noreg onsdag morgon. På to av dei store aust-vest-vegane er det kolonnekøyring.

– Det er litt usikkert kor lenge det må vera kolonnekøyring, seier Oliver Hatland Iversen, trafikkoperatør hjå Vegtrafikksentralen.

Dette er status klokka 16.30 onsdag for fjellovergangane i Sør-Noreg som er stengde eller har kolonnekøyring:

  • E134 Haukeli: kolonnekøyring grunna uvêr.
  • Rv53 Årdal – Tyin: vart opna for fri ferdsel klokka 11 etter stenging.
  • Fv27 Venabygdsfjellet: er no open etter stenging.
  • Fv45 Byrkjedal på strekninga Ålgård – Svartevatn: stengt på grun av trafikkuhell.
  • Fv13 Gaularfjell: Vinterstengt.
  • Fv55 Sognefjellet: Vinterstengt.

Vegtrafikksentralen har ikkje fått meldingar om spesielt glatt føre på dei andre fjellovergangane, men ber likevel folk om å køyra etter forholda.

I Nord-Noreg er det ingen stengde fjellovergangar som følgje av uvêr.