Helse Bergen opplyste om helsetilstanden hans i ei pressemelding klokka 18.40.
Politiet fekk melding om ulukka klokka 16.53.
Politiet melde først at det var ein paraglider-pilot som hadde styrta, men ifølge paraglidermiljøet på staden dreier det seg om ein såkalla speedglider – ein slags liten paraglider som flyr mykje raskare og ofte nærare terrenget.
Henta av luftambulanse
Mannen vart frakta til akuttmottaket på Haukeland Universitetssjukehus like ved.
Ei bratt-lendegruppe frå Fana brannstasjon var på veg til staden, men snudde då luftambulansen klarte å henta den skadde klokka 17.11, opplyser operasjonsleiar Bjarte Rebnord i Vest politidistrikt.
Ulukkesårsaka ikkje kjend
Ifølge vitne skal styrten ha skjedd omlag 150 meter under toppen i vestleg retning ned mot Bergen sentrum.
Det var gode flytilhøve og mange paragliderar i lufta både før og etter ulukka skjedde i dag.
Årsaka til ulukka er ikkje kjend.
