Regnet pøsa ned i dagevis, elvane gjekk langt over sine breidder og bustadhus og bygningar forsvann i vassmassane. Slik var situasjonen på Vestlandet for nokre veker sidan. Flåm, Lærdal, Voss og Odda vart hardast råka.
Djupare og breiare elvar
Det heile vart karakterisert som ein 200-års flaum, og ifølgje Nydal vil det bli mange slike og endå verre flaumar i åra som kjem. Noko må gjerast, meiner Nydal..
– Den eine måten å førebyggje flaum er å gjere elvane djupare og breiare. Den andre er å regulere noko av vatnet i elvane til andre vassdrag eller sjøen.
(Artikkelen held fram under biletet)
Ber om 211 millionar ekstra
NVE må i åra som kjem meir på banen for betre å kunne førebyggje store og farlege flaumar, meiner Nydal.
– Ut frå den informasjonen NVE sit på, vil dei kunne rekne ut kva konsekvensar auka vassmengder i elvane vil få. Det må setjast inn langt større ressursar i dette arbeidet, seier Nydal.
Fysiske sikringstiltak
Hallvard Berg, seniorrådgjevar i NVE, forstår Nydal si uro. Samstundes presiserer han at NVE jobbar kontinuerleg med å kartleggje og førebyggje potensielt farlege flaumar.
– I samband med arealplanlegging kjem vi med innspel overfor kommunane.Vi jobbar også med fysiske sikringstiltak for å unngå flaumskadar, seier han.
– Men tyder det ikkje på at NVE var litt seint ute med flaumsikringa når ein ser på dei omfattande skadane etter storflaumen på Vestlandet nyleg?
– Dette blir eit spørsmål om prioritering i høve ressursane vi har til rådvelde, seier Berg.
Han vil ikkje svare på om han er fornøgd med dei ressursane NVE blir tilført til flaumsikring.