Fredag vart det klart at grunneigarane i Bremanger har vunne fram i saka dei reiste mot staten for å få stogga kraftlina gjennom Sørdalen Naturreservat. Borgarting lagmannsrett konkluderte med at Klima- og miljødepartementet sitt vedtak i klagesak frå 29. mai 2013 er ugyldig.
- Les også:
– Som lagmannsretten sjølv peikar på så har ikkje rettsavgjerda betydning for å ta i bruk traseen i Sørdalen, fordi Klima- og miljødepartementet i februar i år endra vernestatusen gjennom naturreservat. Med heimel i den forskrifta så kan Statnett bygge, seier Hagerup Nilson.
Endra reglane
Då dåverande energiminister Ola Borten Moe Moe endra konsesjonen gav det utspring til to rettssaker. Ei rettssak om sjølve konsesjonen og traseendringa, som har gått fleire rundar i retten.
Her har namsmannen i Bremanger avgjort at Statnett får halde fram arbeidet i Myklebustdalen, ei avgjerd grunneigarane ikkje aksepterer.
- Les også:
Den andre saka som galdt lina gjennom Sørdalen naturreservat, har no vore oppe til Borgarting lagmannsrett.
- Les også:
Her hadde grunneigarane Miljøverndepartementet for retten, då dåverande minister Bård Vegar Solhjell gav dispensasjon frå Naturmangfaldslova i 2013. Grunneigarane tapte saka i tingretten i 2014, men har altså no fått medhald i lagmannsretten.
Må vente på tingretten
Sjølv om Statnett også kan bygge i Sørdalen etter at vernestatusen blei endra, kan dei likevel ikkje sette spaden i jorda med ein gong.
- Les også:
Då namsmannen i Bremanger handsama sakene med tilgang til traseane i Bremanger sende han saka over til Fjordane tingrett. Tingretten slo fast at namsmannen skulle handsame tilgangen til eigedomane, med unntak av Sørdalen. Dermed må Statnett vente på eit klarsignal frå tingretten før dei kan starte arbeidet i Sørdalen.
– Statnett har no bede Fjordane tingrett om å også å få tilgang til Sørdalen. Kor lang tid tingretten brukar på det veit eg ikkje, men vi håpar på ei snarleg avklaring, seier Hagerup Nilson.