Trass i at vêrutsiktene legg ein dempar på forventningane til astronomi-interesserte, så er det alltid håp om å få med seg fredagens solformørking.
– Eg kjem til å pakke alt fotoutstyret slik at det er klart, så vil eg sjekke vêrmeldinga og satellittbilete for å finne ut kvar det er størst sjanse for å få med seg solformørkinga, seier Runar Sandnes.
Sjå solformørkinga direkte frå Longyearbyen!
Håpar på flaks
Runar Sandnes er Sogn og Fjordane sitt svar på Knut Jørgen Rød Ødegaard. Sandnes er både hobbyastronom og astrofotograf. Han reiser ein eller annan plass for å få med seg hendinga.
– Eg må nok håpe på ei sprekk i skylaget, og ha rikeleg med flaks. Så eg veit ikkje kvar eg kjem til å vere under solformørkinga.
- Les også:
Solformørkinga er venta å var i to timar frå start til slutt og vere sterkast fredag rundt klokka 10.50.
– Då vil rundt 94 prosent av sola vere formørka av månen.
Må beskytte auga
Sandnes fortel ivrig at diameteren på månen er 400 gongar mindre enn diameteren på sola. Men fordi sola er 400 gongar lengre vekke enn månen akkurat fredag så skjer solformørkinga, og då er den total.
– Skulle folk få med seg ei solformørkinga gjennom ei glipe i skylaget er det viktig at dei beskyttar auga sine.
- Les også:
Håpar folk ikkje blir skuffa
– Mange spør om ikkje vi vil sjå formørkinga uansett sidan det er så lyst om dagen. Men auget vil kompensere for lysforholda, og vi vil kanskje berre merke det som ein sky- og regntung dag, seier Sandnes som kan alt om å bygge forventningar og bli skuffa.
– Eg håpar dei mange som har gått rundt og gleda seg til å få med seg si første solformørking ikkje blir skuffa. Det er synd å gå glipp av eit slikt minne.
Han veit at når ein først har opplevd ei slik formørking så sit det som prenta.
– Du lever så lenge på det minnet så då lærer ein seg å ha is i magen som no når det kjem ein ny sjanse.