Heimelaget Aalesund FK skåra kampens første mål etter 20 minutt ved Demar Phillips.
Berre få minutt vart det 1-1 etter sjølvmål ved keeper Sten Grytebust. Barry Kader skåra 1-2-målet og det var også resultatet ved pause. Dei to neste måla til Sogndal blei skåra av Espen Olsen og Gustav Valsvik. Til slutt klarte Solomon Okoronkwo frå heimelaget i putte ballen i mål.
Dermed vann Sogndal 4-2 over Aalesund.
- LES ALT OM SOGNDAL FOTBALL HER
- LES OGSÅ:
Fekk tryggleik i dag
Sogndal-trenar Harald Aabrekk seier at det viktigaste med denne kampen var å få kampgjennomkøyring mot ein tippeligamotstander.
– Eg ser at vi har kapasitet til å vere med på dette nivået, og eg følte at vi fekk denne tryggleiken i dag, seier trenar Harald Aabrekk
Største utfordring er tempoet
Han seier at dei fekk kjenne tippeligatempoet dei vil møte når serien startar.
–Vi gjorde mykje rett og skapte mykje i tillegg til dei måla vi skåra. Det var ei god gjennomkøyring. Det viktigaste i dag var samhaldet og lagmoralen. Dei elleve som starta gjorde ein god jobb, det gjorde også dei som kom innpå i løpet av kampen.
Men samstundes ser han også at dei har utfordringar framover.
– Det er ikkje berre fantastisk det vi gjorde i dag. Vi hadde periodar der vi ikkje klarte å komme inn i presset defensivt, og den største utfordringa er tempoet i tippeligaen.
