– Ein god kaffitype og vatn er det du treng. Så enkelt er det, seier kaffibrennar og friluftsmann Kjetil Russenes.
Nordmenn er blant dei i verda som drikk mest kaffi, berre slått av finnane. 12 millionar koppar heller me i oss kvar dag. Morgonkaffien heime, frå kaffimaskina på jobb, frå ein kaffibar – eller ute i naturen.
Turkaffi = god kaffi
Det finns å laga seg ein kopp med kaffi ute i skog og mark på. Men kaffibrennar Kjetil Russenes, som har base i friluftsbygda Sogndal, fortel at du kan eit like godt resultat med heilt enkle hjelpemiddel, som med meir avanserte innretningar.
– Du treng ikkje fancy utstyr for å få ein bra kopp med kaffi. Vatn og god kaffi er det viktigaste. Og å halda styr på tid og mengde. Gjer du det riktig, får du ein strålande kopp kaffi.
«Kokekaffi er ein bra tradisjon»
Ifølgje Norsk Kaffeinformasjon er det berre fire prosent av oss som vanlegvis drikk kokekaffi. Men på tur kvir ikkje Russenes seg for å ta fram ein god, gamaldags kaffikjele.
– Folk blir veldig opphengt i om kaffibønnene er kokmalt, presskannemalt eller filtermalt. Det er ikkje så farleg, så lenge trekketida står til kvernegraden. Eg brukar oftast filtermalt, uansett om eg lagar kokekaffi på bålet ute, då eg syns det er lettare å få eit godt resultat med den. Men då kan ein ikkje herja så mykje med kjelen, for gruten virvlar lettare opp når kvernegraden er finare, seier Russenes.