– Akkurat i dag, onsdag, er ingen av midtstopparane tilgjengelege. Heldigvis er det eit par dagar til me skal spela så vi skal nok få i saman eit godt lag, seier Sogndal-trenar Jonas Olsson.
- LES OGSÅ:
- LES OGSÅ:
Desse spelarane er per i dag skadde eller har plager av ulike slag.
- Azar Karadas: Operert etter kinnbeinsbrot i kampen mot Sarpsborg. Sannsynlegvis ute to til tre veker, men uvisst.
- Bjørn Inge Utvik: Beinhinnebetennelse. Tilbake i trening med aukande fotballbelastning. Usikker med tanke på helga, men snart tilbake.
- Logi Valgardsson: Naglerotbetennelse. Sannsynlegvis klar til helga.
- Gustav Valsvik: Problem med lysken. Avslutta treninga tidleg onsdag men sannsynlegvis klar til helga.
- Eirik Skaasheim: Truleg lett strekk. MR onsdag. Uvisst kor lenge ute.
- Hannu Patronen: Hjerneristing på trening. Tilbake i trening med aukande intensitet. Usikker til helga, men snart klar.
Skulle helst hatt fem
Sogndal treng eigentleg fem forsvararar til formasjonen dei vanlegvis brukar: Tre midtstopparar og to vingbackar.
Av dei som pleier å spela i desse posisjonane er det berre vingbacken Taijo Teniste som er heilt frisk, men Olsson håpar å få ytterlegare to mann på føtene innan bortekampen mot Bodø/Glimt på søndag.
– Eg trur og håpar at Gustav Valsvik skal kunne spele ute problem og det kan sikkert Logi Valgardsson også, seier Olsson.
- LES OGSÅ:
Omskolerte midtbanespelarar
Om dei blir klar vil han ha to vingbackar i Teniste og Valgardsson og ein midtstoppar. De mest sannsynlege alternativa då er at nokre av backane blir flytta inn som stopparar.
– Valgardsson, Teniste, Kristoffer Nesse Stephensen og Helge Haugen kan spele stopparar. I tillegg kan Ruben Holsæter og Petter Strand spele på backane, seier Jonsson, som også vurderer å legge om til ei vanleg firebackslinje til kampen mot Bodø/Glimt.
- LES OGSÅ:
– Me skal trena hardt
På spørsmål om han kunne trent laget annleis for å førebygge alle skadane, er Olsson avvisande.
– At folk dundrar i hop på trening og får trøkkar i kamp kan vi ikkje gjera noko med. Me trenar hardt og ligg på grensa heile tida, men det gjer me for å vera klar til det som ventar oss i kamp, seier Olsson.
- LES OGSÅ: