Luttprisen 2018 blei arrangert på Larris Scene i Førde, og mange artistar frå Sogn og Fjordane stod på scena. Nokre av dei kan du sjå i opptak her.
Sofia Hyttedalen, Aleks Grey og Sjur hadde slått seg saman og framførte ein heilt ny låt, som faktisk ikkje var ferdig før natt til laurdag.
Bli med heim-songen
10 år gamle Karoline Løken-Nesthun stod på scena med Line Dybedal og Førde kyrkjes jentekor. Dei song «Bli med heim» som er skriven av Dybedal, og som er tittellåten til Barne-TV-serien med same namn.
LUTTPRISEN: Karoline Løken-Nesthun og Line Dybedal saman med Førde kyrkjes jentekor
Luttprisvinnar Hjelmeland
Rett etter å ha blitt tildelt Luttprisen stod Thea Hjelmeland sjølv på scena og song tre av sine eigne songar. Mellom anna gjorde ho «Breathe.»
Luttprisen 2018 på Larris Scene i Førde.
Frida Hunshammer
Frida Hunshammer frå Årdal var ein av artistane under Luttprisen. Ho har drive med musikk i mange år og har tidlegare vore med i The Voice på TV2.
LUTTPRISEN: Frida Hunshammer frå Årdal
Jackbow
Dei unge rockarane i bandet Jackbow frå Eid blei blei kåra til årets nykommar under showet. Dei fekk prisen etter ein konkurranse med tre andre band frå Sogn og Fjordane på Larris scene fredag kveld
LUTTPRISEN: Jackbow frå Eid
Odd-Erik Lothe
Odd-Erik Lothe frå Kjølsdalen i Eid oppsummerte karrieren sin med ei samleplate i 2018. Men han gav også ut ny musikk som «Rust.» Den framførte han frå Scena under Luttprisen saman med bandet Mighty Magnolias.
Luttprisen 2018 på Larris Scene i Førde.
Sjå Luttprisen vert utdelt
Luttprisen 2018 vart tildelt Thea Hjelmeland. Sjå utdelinga av prisen frå showet her.
Videoane er produsert av ArtSys Solutions, og lyden er det OnCue som har hatt ansvaret for.
