– Han er varetektsfengsla i fire veker, og i den perioden held etterforskinga fram, seier politiadvokat i Vest politidistrikt, Cathrine Elisabeth Schjelderup.
Det var søndag at ein bilførar stakk av frå ein kontroll på E39 ved Skei i Jølster, og med politiet like bak seg, køyrde han av vegen og inn i ei gravemaskin.
I etterkant av kollisjonen vart det tatt blodprøve av føraren for å få stadfesta mistanken om køyring i rusa tilstand. Siktinga gjeld også oppbevaring av narkotika. Narkotikaen skal ha blitt funnen i etterkant av kollisjonen med gravemaskina, men ikkje i bilen til den sikta føraren.
