Stien opp Lundeskaret i Jølster er truleg ein av dei brattaste stiane i Norge. Den fører opp til Jostedalsbreen, og i sommar jobbar fire sherpaer frå Nepal med å gjera stien tryggare.
Det er hundrevis av meter ned den stupbratte fjellsida på nedsida av stien, men samanlikna med Himalaya, der sherpafolket kjem frå, er det ganske puslete.
– Dette er ikkje særleg høgt, ler Dawa Nuru.
- LES OGSÅ:
TRIVST: Sherpaene Sonam Tshering og Dawa Nuru (t.h.) trivst godt med arbeidet i Jølster.
Foto: Stine Kyrkjebø Johansen / NRKHender, spett og hammar.
– Dei er fantastisk flinke arbeidsfolk. Dei har det i hendene sine å jobbe med stein, og dette er ting dei er vande med frå heimlandet sitt. Dei evnar å sjå kva stein som passar inn her og der, dei formar litt på den, slår litt på den og får den til å passa inn slik at det blir veldig solid og bra. Dette arbeidet vil truleg liggja her i mange, mange år framover, seier Ole Runar Aabrekk, prosjektleiar i Utmarkressurs AS
– Dersom steinane ikkje er like ved der me treng den, så ber med dei på ryggen dit me skal ha dei, seier Dawa Nuru.
– Norge har eit rikt naturlandskap, så me saknar ikkje Nepal når me er her, smiler han.
- LES OGSÅ:
Starta i 1906
BRATT: Det er ikkje arbeid for pingler, det sherpaene no held på med. For det er bratt opp mot breen. Veldig bratt.
Foto: Stine Kyrkjebø Johansen / NRK– Dette ser veldig bra ut, seier Anne Rudsengen i Statens naturoppsyn.
– Dette er viktig arbeid, både som eit kulturminne slik at det ikkje skal gro att, men også for noverande og komande generasjonar som kan bruka desse flotte stiane.
Allereie i 1906 starta jølstringane å legge til rette for fotturistane. No er sherpaene på plass for å fullføre jobben.
– Denne delen av stien vart bygd i 1906. Det vart sprengt ut, laga steintrapper og sett opp enkle vaierar langs stien. Då fekk jølstringane som gjorde det 800 kroner for 800 dagsverk, seier ho.
