Sendt til Haukeland etter arbeidsulukke
Personen som blei skadd i ei arbeidsulukke på Eitrheim i Ullensvang er sendt i luftambulanse til Haukeland med klemskadar. Hendinga skjedde på bedrifta Boliden Odda. Skadeomfanget er ukjent, men personen skal ha vore vaken og bevisst då politiet kom til staden.
– Vi fekk melding om at ein person sat fastklemt. Når politi og brannvesen kom fram tok det ei stund å få personen laus, fortel politistasjonssjef i Hardanger politistasjonsdistrikt, Øystein Torsnes.