Samrøystes ja for å selje Fjord1-aksjane

Salssummen er på 1,065 milliardar kroner. Det endelege vedtaket skal takast på fylkestinget på fredag, men innstillinga frå fylkesutvalet er no klar.

Fylkesordførar Jenny Følling (Sp) tykkjer vedtaket er godt for Fjord1.

– Det at vi no har landa ein avtale som eg meiner er til ein god pris, er bra for regionalt eigarskap. Dette er ein eigar som har vist visjonar for at Fjord1 skal vere eit selskap i Sogn og Fjordane framover. At vi står samla bak dette, er flott, seier ho.

Per Sævik i Havila-konsernet er også nøgd med avgjerda i fylkesutvalet.

– Eg tykkjer dette virkar lovande for framtida og at ein vanskeleg periode no er tilbakelagt, seier han.

• Les også: Løfta på Fjord1-sløret bak lukka dører
• Les også: Sævik vil gjere sitt for å trygge politikarane