Det stadfester Hordaland politidistrikt.
– I samband med leiteaksjon etter ei 17 år gammal jente i Fana er det funne ein død person, som vi trur er den sakna. Det er per no ingen grunn til å tru at ho er utsett for noko straffbart, skriv operasjonsleiar Jan Steimler i ei pressemelding måndag kveld.
Ifølgje bt.no skal det ha vore forbipasserande joggar ha oppdaga avdøde i turområdet Hordnesskogen i Fana. Vedkommande varsla politiet.
Søket etter 17-åringen vart trappa opp måndag ettermiddag, og store leitemannskap søkte i terrenget etter jenta.
Den 17 år gamle jenta har vore sakna frå heimen sin i Fana sidan sundag kveld. Ho gjekk frå heimen i 20-tida, og sidan er det ingen som har hatt kontakt med ho.
Seint sundag kveld melde foreldra til jenta ho sakna, og kring klokka 23 same kveld byrja leitemannskap å søke etter jenta. Natt til måndag vart det søkt i områda Blomsterdalen, Hjellestad, Hordnesskogen, Steinsvikveien, Grimseidveien og Skjold i Fana.
Leitemannskap frå Røde Kors, hundepatrulje frå politiet, samt hundar frå Norske Redningshundar og Sivilforsvaret har leita etter 17-åringen.