– Huset var totalrenovert, og mor såg for seg å flytte inn om ein månads tid. Ho berre rista på hovudet. Har vondt for å forstå det, fortel Svein Djønne.
I natt blei han vekt av ein telefon frå broren som hadde vakna av knitring frå brannen.
LES OGSÅ:
– Eg såg brannen då eg såg ut glaset frå soverommet, og då eg kom ned var heile hovudhuset brent ned. Berre stillaset sto att, fortel han.
– Nedbrent på ein halvtime
Ved sida av sto nausta i full fyr, i tillegg til eit mindre eldre kårhus som nett hadde begynt å brenna.
– Det var ei svær eldkule, ingenting å gjera. Vi hadde ikkje utstyr og alt gjekk veldig fort. På ein halvtime var alt brent ned, fortel han.
Brannvesenet brukte ein time på å slå ned flammane. To av bygningane som brann var tømmerhus, og brannsjef Egil Holven i Eidfjord, Ulvik og Granvin, fortel at dei brann godt og lenge.
Spreidde seg frå huset
Brannen starta etter alt å dømme i huset som var under oppussing, og spreidde seg til nabobygningane.
I 10-tida onsdag føremiddag var brannvesenet framleis på staden og dreiv med ettersløkking.