– Eg manglar to trailerlass med ved og eg anar ikkje kor tid dei kjem. Det er problem med vegtransporten på grunn av fiskeboikotten frå Russland, seier Steinar Carlson i Carlson Brensel.
Frå midten av august innførte Russland full stopp i import av kjøt, frukt, grønsaker, kylling, fisk, ost og mjølk frå Norge.
- LES OGSÅ:
Det betyr at lastebilane som kjem med ved frå til dømes Estland, må køyra tomhendte tilbake. Og det er det forbrukarane som må betala for.
– Vil gå utover kunden
Ein ringerunde til vedutsal i Bergensområdet stadfester alle at prisane kjem til å gå opp i vinter. Og det er handelsboikotten som er grunnen.
Anders Aasen er dagleg leiar i Xenex, som importerer ved til store kjeder som Coop og Plantasjen. Han meiner bransjen går ei tøff tid i møte.
- LES OGSÅ:
– No vil det bli ei utfordring i å i det heile tatt få tak i bilar frå Russland. Visst dei først får tak i lastebilar, må dei betale tur retur, seier Aasen.
Det vil sei at transporten per sekk blir dyrare.
– På sikt vil alltid sluttforbrukaren måtte betale prisen for auka pris på vara, seier Aasen.
– Folk må vere tidleg ute
Aasen meiner det folk kan gjere er å vere tidleg ute å kjøpe ved, fordi det kan vere mindre ved stabla i hyllene i år enn tidlegare.
– Dersom det blir ein kald vinter kan det fort bli lite ved å få tak i. Derfor burde nok folk vere litt tidleg ute i år, meiner Aasen.
- LES OGSÅ:
– No ligg prisen ti kroner meir for sekken enn i fjor. Det kan fort bli dyrare, seier Carlson.