Over seks hundre industritilsette i Sogn og Fjordane kan gå ut i streik frå søndag morgon.
Fellesforbundet kravde tysdag meklinga for frontfaga avslutta. Det betyr at meklinga må vere avslutta innan natt til søndag.
Meklingsbrotet medfører at nærmare 35.000 medlemmer i meir enn 800 bedrifter står i fare for å komme i konflikt frå søndag morgon.
Dersom Fellesforbundet og Norsk industri ikkje blir samde, vil det bety streik for 24 industribedrifter i Sogn og Fjordane. Blant anna gjeld det 96 tilsette ved STX Norway i Florø og 76 tilsette ved Havyard Leirvik AS.