Har betalt ti millionar kroner for avlingssvikt

Assisterande landbruksdirektør Bjørn Harald Haugsvær seier dei har fått inn 178 søknader frå bønder i fylket.

Utbetalinga bikka ti millionar kroner. Haugsvær seier han aldri før har vore borti liknande tal.

• LES OGSÅ: Brutal sesongstart for bærdyrkarane

– I 2011 betalte vi ut 3,9 millionar kroner. Dette er over dobbelt så mykje som då. Vi håpar det blir lenge til neste gang vi får tilsvarande utbetalingar, seier han.

– Svikt i heile fylket

Tala viser at kommunane Jølster, Førde, Gaular og Naustdal fekk ei samla utbetaling på 3,5 millionar kroner fordelt på 82 søknader. Innan frukt og bær har Vik og Lærdal fått dei største utbetalingane med tre millionar kroner fordelt på 23 søknader.

• LES OGSÅ: Mange bønder opplever avlingssvikt
• LES OGSÅ: Må så opp att bøane

(Artikkelen held fram under tabellen)

Det har også vore stor skade på frukt/bær og gras i Stryn, Hornindal og Gloppen. Her er det betalt ut 2,6 millionar fordelt på 41 saker.

• LES OGSÅ: – I år har stanken vore verkeleg ille

– Det er svikt over heile fylket. Vi ser vinteren i fjor var heilt annan enn i år, og gav betydeleg trykk for plantane og ein økonomisk trykk for bøndene, seier Haugsvær.

Trur på rekord

Maksbeløpet Fylkesmannen kan betale ut er 750.000 kroner. Ingen av utbetalingane har nådd så høgt, men Haugsvær seier dei høgaste beløpa passerte 600.000 kroner.

• LES OGSÅ: NVE: - Holet kjem ikkje til å utvide seg - natta etter rasa det endå meir
• LES OGSÅ: No er det snart tomt for fôr

(Artikkelen held fram under tabellen)

Medan 2013 gav rekordhøge erstatningsutbetaling, trur Haugsvær på ein heilt annan rekord i 2014.

• LES OGSÅ: Fjoråret vart dramatisk for bøndene - aldri har dei fått så mykje i erstatning

– No ser ut til å vere ein flott vår på gang. Det er ikkje frost i jorda og mykje eng vart fornya og sådd til i fjor sommar. Vi trur det ligg an til ein kjempegod vekstsesong og rekordstore avlingar.