Ein bombetrussel mot gassanlegget Nyhamna på Aukra førte torsdag morgon til full evakuering av anlegget.
Beredskapen ved norske olje- og gassanlegg har vore høg etter eksplosjonane ved gassrøyrleidningane i Austersjøen. Og sist veke vart beredskapen ytterlegare skjerpa då regjeringa vedtok å avgrense hamnetilgangen for russiske fiskefartøy.
I eit skriftleg spørsmål til olje- og energiminister Terje Aasland (Ap) spør Kjell Ingolf Ropstad (KrF) kva som blir gjort for å hindre sabotasje på utvekslingskablane for straum.
Måndag kjem straumkabelen mellom Noreg og Nederland i drift att. Kabelen har vore ute av drift sidan starten av mai.
Riksrevisjonen har tidlegare påpeika at arbeidet med norsk objektsikring er «mangelfull» og inneheld «vesentlege svakheiter», medrekna sikringa av sivile installasjonar for straum.
I Nordsjøen og Skagerak går det i dag straumkablar til Danmark, Nederland, Tyskland og England.
Foto: NRK– Noreg er i ein ekstra sårbar posisjon
I spørsmålet viser Ropstad til den geopolitiske situasjonen og at Noreg er i ein utsett posisjon.
Til svar seier energiministeren at Noreg har nødvendig reservemateriell på lager og «kan gjennomføre ein reparasjon dersom ei hending skulle hende».
Han legg til at kablane er gravne ned i sjøbotnen, sjølv om dette «primært er eit tiltak retta mot vern ved fiskeriaktivitetar, ikkje mot sabotasje eller medvite skadeverk.»
– Når det gjeld landanlegga for utanlandskablane, har desse i all hovudsak høgaste tryggingsklasse.
Dei tre røde punkta viser kor det er lekkasjar på røyrleidningane Nord Stream 1 og 2.
Grafikk: Sjöfartsverket– Ved hybridkrig kan den angripande parten skjule seg
Sidan i fjor haust har fleire mystiske hendingar i norske farvatn vore tolka innanfor ramma av hybridkrig, altså ei blanding av konvensjonelle militære operasjonar og alternative verkemiddel som cyberangrep og sabotasje.
- I fjor forsvann ein undersjøisk kabel frå havdjupet utanfor Bø i Vesterålen.
- I januar rauk ein undersjøisk nettkabel mellom Svalbard og fastlands-Noreg.
- I haust har det vorte rapportert om fleire uidentifiserte dronar nær norske oljeplattformer i Nordsjøen.
Ropstad seier til NRK at han «er glad statsråden er oppteken av tryggleiken til utanlandskablane».
– Seinast i går vart det meld om utfordringar med ein oljeleidning i Polen. Det er viktig at vi ikkje er naive.
Gassrøyrleidningane Nord Stream 1 og 2 begynte å lekke i Østersjøen på måndag.
Innførte «auka vaktsemd» i februar
Krav til vern av anlegg, informasjonssikkerheit og forsvar mot IKT- angrep vert regulert i den såkalla Kraftberedskapsforskriften, som NVE fører tilsyn med.
NVE leiar også Kraftforsyningens beredskapsorganisasjon (KBO), som består av større kraftprodusentar og norske nettselskap.
Einingane i KBO vart alt i februar – då Russland invaderte Ukraina – instruert av NVE om å innføre «auka vaktsemd».
– Det betyr at selskapa lenge har hatt auka vaktsemd både når det gjeld fysiske anlegg og IKT, seier Aasland.
Onsdag var han i Praha for å diskutere korleis Europa skal møte energimangelen.
Same kveld sa president Vladimir Putin at Russland igjen er klar til å eksportere gass til Tyskland gjennom ein uskadd del av Nord Stream 2, som vart delvis øydelagt i september. Tyskland har avvist tilbodet.
