I går blei det kjent at næringslivet i Sogn og Fjordane vil vera med å spleisa på eit heimkjøp av den populære astrupkunsten. Sollied Øveraas arbeider no for å få staten med i eit spleiselag.
- Kjempeflott
- Astrup høyrer heime i Sogn og Fjordane, så dette er kjempeflott, seier Sollied Øveraas. Ho viser til at Oslo har fått svært mykje kulturmidlar i det siste, mellom anna til den nye operaen.
- No er det på tide at vi som sit på Stortinget hevar blikket over Oslo, seier SP-representanten.
Kulturløft
Ho fortel at det raud-grøne regjeringsalternativet er samde om eit såkalla kulturløft og bruke 1 % av brutto nasjonalprodukt til kulturføremål. I det såkalla kulturløftet lovar det raudgrøne regjeringsalternativet å styrkja kulturen med 1,3 milliardar kroner over ti år.