Endresen forsvann etter ein bytur natt til laurdag 11. september. Mannen hadde vore på vorspiel og hadde avtalt med ein ven å møtast i Bergen sentrum.
No stadfester politiet at det var han som blei funnen død i ein hage i Loddefjord tysdag.
I samråd med dei pårørande går dei ut med namnet på den omkomne.
Trur dødsfallet skuldast fallulukke
Politiet trur dødsfallet skuldast ei fallulukke. I ei pressemelding skriv dei at ingenting tilseier at noko straffbart har skjedd.
Det er bratt og ulendt terreng over hagen der mannen blei funnen. Ein person som bur i huset ved sida av, varsla politiet om funnet tysdag.
Innsatsleiar på staden opplyste at det ikkje var mistanke om at det hadde skjedd ei kriminell handling, men krimteknikarar undersøkte åstaden i fleire timar.
Endresen blei obdusert onsdag.