I morgon skal politiet møte barnevernet, BUP (barne- og ungdomspsykiatrisk poliklinikk) og settevergen, advokat Karsten Engedal, for å diskutere korleis dei skal gå vidare i saka.
Det er barnevernet og helsevesenet som må ta stilling til kva tiltak som skal setjast inn for 13-åringen framover.
- LES OGSÅ:
|
Familien har flytta heim
Lensmann Bernt Norvalls på Stord opplyser i ei pressemelding at familien til 13-åringen har flytta heim att i huset i Sagvåg.
– Dei ønskjer fred og ro, og vi ber pressen ta omsyn til dette.
Sonen deira er til observasjon hjå BUP, som har ti dagar på seg til å greie ut om han. I neste veke må det vere klart kva som skal skje vidare.
Vil finne ut av motivet
13-åringen er under den kriminelle lågalder og kan difor ikkje straffast for drapet på den tre år gamle guten.
Norvalls seier dei held fram arbeidet med å avklara motivet for handlinga.
– Dette er eit tema som vil bli tatt opp på møtet torsdag. Det er viktig for alle involverte partar at samfunnet sitt behov for å informasjon er forenlig med rehabiliteringa som 13-åringen skal gjennom, skriv han i pressemeldinga.
- LES OGSÅ:
13-åringens bistandsadvokat Kjell Steinsbø, sa til avisa Sunnhordland i går at han har fått høyre heile historia om kvifor guten gjekk til angrep på fosterbroren og deretter sin eigen far
– Han hadde ei trong til å fortelje meg dette, og har fortalt meg alt. Men eg og han har ein avtale på at det blir mellom meg og han, sa Steinsbø til avisa.
