Det seier regionlensmann Tormod Hvattum i Nordfjord.
- Les også: Ola høyrde fleire smell frå hotellet
– Vi veit førebels ikkje så veldig mykje, men slik vi ser staden no, så har vi ei viss aning om kvar brannen starta. Det blir utgangspunktet når vi startar dei tekniske undersøkingane, seier lensmannen.
Avhøyrer vitne
Seljeværingane er prega etter at flammane slukte store delar av Selje hotell i natt. Hotellet var vinterstengt, og ingen personar kom til skade i brannen.
- Les også: Brannråka bygd føler med seljeværingane
Brannen vart meldt sløkt i 12-tida. Sjølv om ruinane framleis er for varm til å bli undersøkt, har politiet starta jakta brannårsaka.
- Les også: Seljeværingane tek brannen tungt
– Vi gjer ei taktisk etterforsking, der vi avhøyrer vitne og naboar som vi meiner kan ha opplysningar når vi prøver å danne oss ei bilete før vi startar den tekniske undersøkinga, seier Hvattum.
Kripos kjem måndag
Brannen vart meldt sløkt i 12-tida. Politiet har bede Kripos om bistand. Dei er venta å starte undersøking av branntomta på måndag. Fram til då vil politi og brannvesen halde vakt ved tomta.
- Les også: – Vi kvir oss til å sjå hotellet
– Vi har god kompetanse på kriminalteknikk som inkluderer brann, men for å kvalitetssikre oss sjølve i ein så omfattande brann, ber vi om hjelp, seier Hvattum.
