På intensiven med moderate skader

To gutar vart tysdag kveld sende til Førde sentralsjukehus etter at to speedbåtar kolliderte i Brandsøysundet i Florø.

• LES OGSÅ: To til sjukehus og ein til lege etter dramatisk båtulykke i Florø

Ifølgje akuttmedisinsk kommunikasjonssentral (AMK) har den eine fått moderate skader og ligg på intensivavdelinga, medan den andre 16-åringen berre har fått lettare skader.

Augevitne fortel overfor NRK at den eine båten køyrde over den andre, då båtane kolliderte ved 21-tida tysdag kveld.

Det vart slege full alarm med ambulansar, politi og brannvesen då politiet fekk melding om ulykka.

I alt var tre personar involverte i ulykka. Ein mann i 40-åra er mistenkt for å ha køyrt med promille.