Både Øyvind Vagstad (Syril) og Sarah Fiskaa Haugen (Luster) skal forsvare dei norske fargane under junior-VM i telemark.
– Eg visste at det kunne gå om eg presterte bra i helga, men heilt sikker var eg ikkje. Det er mange gode juniorkøyrarar, så dette er veldig kjekt, gliser Vagstad.
Maks klaff i minst eitt løp
KLAR: Sarah Fiskaa Haugen har ikkje fått til knallforma i år, men får likevel VM-billett.
Foto: Jan Sølve HaugenMeisterskapen går 24. – 27. februar i Steamboat Spring i USA. Sportssjef Jo Mork har teke ut fem seniorar, og åtte juniorar til dei to meisterskapa som går samstundes.
Medalje vågar ikkje Vagstad å tenkje på no.
– Målet er å treffe maks på minst eitt av løpa, så får vi sjå kor godt det går, seier Vagstad som også fekk køyre med flagget på brystet då verdscupen starta i slutten av november.
- Les også:
– Junior-VM har vore eitt av dei store måla for sesongen. Det og NM-gullet som kanskje var det som skulle til for å komme med, seier Vagstad.
Sterk tropp
Sportssjef Mork har . Når han reiser til USA om eitt par veker, er det med ein tropp han er nøgd med.
– Norge stiller med ein stor tropp med god breidde, der vi håpar på fleire gode resultat både i senior- og junior-VM, seier han. Vagstad er samd.
- Les også:
– Vi stiller med eit ganske sterkt lag, så det er håp om medalje. Men så må ein ha 100 prosent klaff for å vere med i medaljekampen, seier han.
– Kva øving er din favoritt?
– Det er parallell, som eg tok gull på i helga. Det er veldig intenst, der du køyrer to og to i heat med utslag. Veldig artig, seier han.
Medaljekandidat
Fiskaa Haugen var før sesongen ei av dei som fort kunne kjempa om ein plass i senior-VM, men har i år ikkje heilt funne toppforma.
- Les også:
Vagstad er glad for at han får selskap av lustringen til Steamboat Spring.
– Ho har slite litt med godkjensla etter at ho bytta ski, men ho er heilt utruleg god, seier Vagstad.
– Er det Sarah som har størst medaljesjanse av dykk to?
– Heilt klart.