Fylkesmannen opnar tilsynssak etter trippeldrapa

Målet er å avklare og vurdere kva helse- og omsorgstenester asylsøkjaren som er skulda for ugjerninga har fått, og kva helse- og omsorgstenester asylsøkjarane som oppheld seg i Årdal får.

Fylkeslege Per Stensland seier at sidan saka er så alvorleg, er det av stor offentleg interesse å avklare kva type helsetenester den sikta asylsøkjaren har fått.

– Difor ønskjer vi å avklare om kommunen har gitt forsvarlege helsetenester og om kommunen har sørgja for at asylsøkjarar blir tilbydde naudsynte helsetenester, seier fylkeslege Per Stensland til NRK.no.

• LES OGSÅ: Tre personer drepne på buss

– Har de fått noko press på dykk om å opprette tilsynssak?

– Nei, det har vi ikkje fått. Eg vil understreke at vi heller ikkje har fått uromeldingar frå nokon. Vi har heller ikkje fått klager på helseteneste i Årdal. Men vi meiner det på bakgrunn av hendinga, å undersøkje kva helsetenester mannen har fått, seier han.

• LES OGSÅ: Han er uroa over at over 5000 asylsøkjarar med endeleg avslag bur i mottaka
• LES OGSÅ: Første utsending av asylsøkjar i Årdal skjedde same morgon som trippeldrapet skjedde