Hopp til innhold

Olden-Innvik blir utbetra

Richard Grov trur det er mogleg å starte utbetring av Olden-Innvik til hausten.

Frå fylkesveg 60 Olden-Innvik
Foto: Kjell Arvid Stølen / NRK

- Det er svært gledeleg at Olden-Innvik får pengar til prosjektering og utbetring. Det seier Richard Grov som er leiar for nemnda for opprusting av riksveg 60 Olden-Innvik.

Landets dårlegaste veg

I krisepakken frå regjeringa vert det løyvd pengar til prosjektering av Olden-Innvik og ti millionar til tiltak på sjølve vegen.

- Olden-Innvik har mange gonger blitt trekt fram som landets dårlegaste veg , og endeleg er vi komne i den posisjonen at vi kan jobbe konkret med realisering av utbetring av vegen, seier Grov.

Utbetringar til hausten

Grov trur det er mogleg å komme i gang med utbetringar ut på hausten 2009.

- Ein flaskehals kjem til å løyse seg etter kvart. Vi slepp at bussar blir forsinka, så næringslivet kan satse friskt framover. Dette skaper optimisme i området, seier Grov.

Heile arbeidet med riksvegv 60 Olden-Innvik er kostandsrekna til 400 millionar kroner.