Nytt millionprosjekt for Hjelle

Stiftelsen " Måløyraidsenteret" ber no fylkeskommunen om nærare fem millionar kroner til drifta av det senteret som er planlagt midt i Måløy sentrum, skriv avisa firda.no .

900 kvadratmeter

Senteret skal bli eit opplevingssenter og eit kunnskapssenter om krigshistorie og Måløyraidet som skal bli på heile 900 kvadratmeter.

Bak stiftinga står mellom anna Terje Sølvberg som historisk leiar og Helge Hjelle som teknisk leiar.

Vågsøy kommune har stilt eit bygg i sentrum til disposisjon for senteret. Det har dei også rusta opp for ein og ein halv million kroner med tanke på at senteret skal bli ein realitet.

• LES OGSÅ: Treng 12 millionar

- Vil gjere regionen spennande

Intiativtakarane meiner eit slikt senter vil gjere regionen langt meir spennande å bu i, og at det vil fungere som ein magnet for området si turistsatsing.

For å kunne realisere prosjektet "Måløyraidsenteret", treng stiftinga fleire millionar kroner. Det vil dei at fylkeskommunen og forsvaret om å betale.

Men kulturpolitikarane i fylket er ikkje like overbeviste om dette.

• LES OGSÅ: Tordenfull oppvask i Vågsøy

Ber om reduksjon i utgiftene

Dei ber om at kostandane i prosjektet vert reduserte og dei stiller også spørsmål om realismen i heile senteret.

- Vi har ikkje så mykje pengar å prioritere, seier leiar for hovudutval for kultur, Sissel Loen.

Ho fortel at saka uansett ikkje vil bli avklart før i desember, etter at fylkestinget har vedteke finansplanen.

• LES OGSÅ: Brukte 10 mill for mykje

Ventar på møte med forsvaret

- Saka skal jo følgje budsjettprosessen i fylkeskommunen, og eg kan ikkje seie noko no om kva som vert utfallet. Men eg vil seie at det er eit interessant prosjekt.

No ventar utvalet på at stiftinga skal kome med tilbakemelding etter møte med forsvarsdepartementet som også er bedne om å skyte inn pengar.

Loen meiner eit slikt senter som Måløyraidsenteret kan bli, vil vere bra for området og kunne fungere godt for til dømes skuleklassar. Ho tek ikkje stilling til kven som står bak prosjektet.

Vil ikkje kommentere Hjelle

- Eg har halde meg mest til Terje Sølvberg i denne saka, og eg vil ikkje uttale meg i forhold til Helge Hjelle sitt engasjement, seier ho.

Tall Ships Races gjekk som kjendt med store underskot, og det vart oppvaskmøte i kommunen som varte i fleire timar etter at festen var over i 2007.

-Det er styringsgruppa sitt ansvar å halde orden i økonomien i Måløyraidprosjektet. Det er ikkje vårt ansvar, seier Loen.

I eit brev til fylkeskommunen skriv Sølvberg at det har teke heile ti år å samle informasjon om krigshistoria som skal bli presentert i senteret.