Standpunktkarakterar og karakterane frå årets eksamenar i dei vidaregåande skulane er klare. I Hordaland fylkeskommune er opplæringsdirektøren svært godt nøgd med resultata.
– Dette er ei positiv trend. Dei vidaregåande skulane i Hordaland ligg over landsgjennomsnittet eller på landssnittet, seier opplæringsdirektør Svein Heggheim.
I basisfaga norsk, både hovudmål og sidemål, engelsk og matte gjer hordalandselevane det betre enn landssnittet.
Nynorskelevane best i alle fag
I år har opplæringsdirektøren også merka seg ei ny trend, og det er at nynorskelevar gjer det betre enn bokmålselevar.
I standpunkt har nynorskelevar eit snitt for alle karakterar på 3,96, medan karaktersnittet for bokmålselevar er 3,90. Strykprosenten til standpunktkarakterane er også lågare. Medan 1,69 prosent av nynorskelevane stryk i standpunkt, er det 2,01 prosent av boksmålelevane som stryk.
Den same trenden gjer seg gjeldane i høve eksamenskarakterar og stryk på eksamen.
– Det må vera ei utfordring for bokmålselevane å prøva å tetta gapet, seier Heggheim.
LES OGSÅ:
– Meir bevisste til skrivemåten
Språkforskar Øystein Vangsnes trur det å læra nynorsk heime og bokmål ute i storsamfunnet kan gjera det lettare for nynorskelevar å læra. Han skal dei neste åra .
Opplæringsdirektør Svein Heggheim er usikker på kvifor nynorskelevane gjer det klart betre i Hordaland.
– Det næraste eg kjem ei forklaring er nok at dei er meir bevisste på språkvalet sitt og dermed også har eit meir bevisst forhold til måten å skriva på, seier Heggheim.
I dag er det 24 prosent av elevane i den vidaregåande skulen i Hordaland som er nynorskelevar.
– Dette burde auka rekrutteringa til nynorsk, meiner opplæringsdirektøren.
Mindre fråvær
Opplæringsdirektøren er også godt nøgd med fråværsutviklinga til elevane i Hordaland.
– Me har ein nedgang på fire prosent dette skuleåret i forhold til i fjor. Årsaka er at det har vore meir vektlagt å registrera fråvær og setta i gang tiltak, seier Heggheim.