Helsepolitikarane krev nemleg stadig nye kontrollrutinar, pasientrettar og behandlingsgarantiar, og krev at sjukehusa skal rapportere på dette.
- LES OGSÅ:
– Det er diverre eit paradoks at når ein vil nå bestemte ting, og passer på å nå desse, så innfører ein ei rekkje administrative rutinar som faktisk medførar byråkratisering, seier professor i helseleiing, Jan Grund.
«Bok» etter tilsyn
Dette syner støttar også fagdirektør i Helse Førde, Hans Johan Breidablik. For hans del tek kontroll og rapportering ein stadig større del av kvardagen.
– Dette er berre kva vi måtte utarbeide av retningsliner i samband med tilsyn frå Datatilsynet, seier han og blar igjennom ein stor bunke med papir.
– Det er jo ei heil bok. Det er enormt. Og dette er berre eitt av mange tilsyn som vi har, legg han til.
Må tilsetje
I juni fjor lanserte statsminister Jens Stoltenberg garanti til kreftbehandling under 20 dagar etter tilvising.
Ein av mange behandlingsgarantiar som automatisk skaper meir helsebyråkrati, seier Breidablik.
– Der har vi måtte tilsette ein person for å administrere den ordninga. Vi er usikre på om det er nok med ein person, seier han.
Retta kritikk
Høgre sin fremste helsepolitikar Bent Høie meinte i fjor sommar at statsministeren sin 20-dagarsfrist ikkje var godt nok.
Tre veker før Høie kunngjorde sin ambisiøse kreftgaranti, som ville kravd mykje sjukehusadministrasjon for å innfri, kritiserte han dei same sjukehusa for å vere overbyråkratiserte.
– Eg forstår at folk stussar, men vi meiner at det å setje strengare krav til kvalitet og betre rettar til pasient og betre pasientflyt i sjukehusa, ikkje treng føre til meir byråkrati. Det handlar om å organisere arbeidet på ein betre måte.
Kraftig vekst
Dei siste åra har det blitt stadig fleire sjefar, kontorfolk og administrativt tilsette ved sjukehusa, også i Sogn og Fjordane. Tal frå Statistisk sentralbyrå viser at desse yrkesgruppene veks meir enn kva talet på legar aukar.
- LES OGSÅ:
- LES OGSÅ:
Fagdirektør Hans Johan Breidablik meiner at spesielt dei mindre helseføretaka, som Helse Førde, lir stadig tøffare rapporteringskrav.
– Eg trur at mange av desse sidene er ein naudsynt del av den moderne medisinen. Men det har kostnader. Det fører til at særleg i dei små føretaka at stadig større del blir oppteken med det som ikkje er kjerneoppgåvene – nemleg pasientbehandlinga, seier han.