Ny Terra-smell for Bremanger

Det er verdipapiravtalane med Fokus Bank og Depfa bank som no kan føre til ein ny økonomisk smell for Bremanger kommune.

• LES OGSÅ: Dette er Terra-saka

Dette er verdipapir som kommunen ikkje har klart å kvitte seg med , og som den siste tida har gått ned med ti millionar kroner i verdi.

• LES OGSÅ: Bremanger braut kommunelova
• LES OGSÅ: - Kommunen visste dei braut lova

– Du kjenner deg litt hjelpelaus. Det er ikkje mykje ein kan gjere med dette, utan å prøve å komme seg ut av avtalane, seier rådmann Tom Joensen.

Snudde seg i fjor

Kommunen stod også i fjor i same situasjon. Særleg avtalen med Fokus, gjorde at kommunen låg an til å tape 39 millionar kroner på grunn av lågt internasjonalt rentenivå.

• LES OGSÅ: – Kan komme fleire smellar

Då snudde rentene like før rekneskapsåret var avslutta, og kommunen vart berga. No er det på ny dårlege tider i verdsøkonomien.

– Det er heilt umogleg å spå om dette vil skje i år også, seier Joensen.

(Artikkelen held fram under TV-saka)

Ventar negativ utvikling

Rådmannen fekk siste oppdatering på verdiutviklinga 31. august. Denne veka ventar rådmannen i spenning på brevet som fortel om korleis utviklinga har vore den siste månaden.

• LES OGSÅ: Bankar varslar Terra-rettsak

Han har ikkje dei store håpa.

– Eg vil nesten vente at det utviklar seg negativt, seier Joensen.

Krevjande start

Nyvald ordførar Karl Vidar Førde frå Senterpartiet veit at starten på perioden kan bli krevjande for Bremanger kommune om ikkje.

• LES OGSÅ: Merkar lite til Terra-tap

Kommunen har prøvd å kvitte seg med avtalane men så langt har det vore vanskeleg.

– Dette er slikt vi må halde oss til sidan vi er inne i det. Vi må berre sjå kva vi har å halde oss til, seier Førde.