Ny leiting i Erdalen i Stryn

Over 100 personar skal i dag vere med i leitinga etter mannen fortel Stian Antonsen som distriktsrådsleiar for Sogn og Fjordane hjelpekorps.

– Det blir ein stor aksjon med mykje mannskap, og krevjande for dei som skal organisere det. Vi kjem til å leite heile laurdag og sundag. Det er god vilje blant mannskapa og ikkje minst blant dei som bur i området, seier Antonsen.

– Vi tenker på dei pårørande, og har lyst å gjere ein innsats for å finne den sakna.

• LES OGSÅ: Avslutta søk utan funn - kjem ikkje til å leite meir
• LES OGSÅ: Trur mannen er omkomen - men vil leita vidare når snøen forsvinn

I desember i fjor forsvann ein mann i 20-åra frå Rogaland i Erdalen. Mannen hadde truga til seg ein bil i Stryn. Bilen blei funnen igjen i Erdalen i Oppstryn, men der sluttar også alle spor etter mannen.

• LES OGSÅ: Åtvarer mot ustabil mann - politiet har væpna seg

• LES OGSÅ: Her fann politiet mannen sin bil - oppe i dalen og heilt inst i vegen

– Det er eit krevjande terreng å leite i, med mykje kampesteinar. Men målet er at dersom den sakna er i området, så skal vi finne han, seier Antonsen.