– Det er alltid ein risiko i slike prosjekt. Ting er ikkje gjort før det er gjort, og det skal ein vere audmjuke for, men vi er inne i ei veldig positiv utvikling av Engebøprosjektet.
INTERESSE: – Vi har god dialog med mange moglege investorar, og så kundar, seier administrerande direktør i Nordic Mining Ivar Fossum. Kven vil han ikkje røpe.
Foto: Bård Siem / NRKI april 2015 fekk selskapet endeleg løyve til å starte den omstridde gruvedrifta i Naustdal. Målet er å hente ut mineralet rutil, som blir brukt som kvitningsstoff i tannkrem, mat og måling. Størst usemje har det vore knytt til planane om å dumpe lausmassar i Førdefjorden. Og protestar, utsetting av avgjerder og venting på svar har vore det som har prega omtalane av prosjektet til no. For selskapet sjølve er det risikovurderingar og finansiering som står i høgsetet.
– Vi held på med teknisk utvikling av prosjektet på fleire frontar. Moglegheitsstudien skal vere klar til sommaren, det er neste milepæl, seier Fossum.
- Les også:
- Les også:
Treng 2,5 milliardar
Prosjektet treng kring 2.5 milliardar kroner for å starte opp. Om det er konkrete investorar i kikkerten vil ikkje Fossum røpe enno, men understrekar at prosjektet i dag er i ein god økonomisk situasjon, og at all jobben som blir gjort no er med på å redusere risikoen i prosjektet, noko som kan lokke pengesterke folk inn.
Norsk Bergverksindustri har støtta prosjektet i Naustdal, og generalsekretær Elisabeth Gammelsæter rosar måten selskapet har gått fram på. Likevel trur ho det kan bli utfordrande å få nok pengar til prosjektet.
POSITIV: Generalsekretær i Norsk Bergindustri, Elisabeth Gammelsæter, gler seg over prosjektet i Naustdal.
Foto: Geir Anders Rybakken Ørslien– Det er vanskelegare enn i Sverige og Finland å få investorar til å satse. Noko av årsaka kan vere at industrien har hamne i oljeskuggen, og det er uvisse knytt til prosessar og handsamling av saker, seier Gammelsæther.
Kan vere klart om tre år
Samstundes er ordførar i Naustdal, Håkon Myrvang sterk i trua på at alt ordnar seg og at anleggsarbeidet i Engebø ikkje er langt unna.
– VI er veldig sikre på at dette prosjektet kjem i gang. Den utviklinga som har vore sidan konseknvesutgreiina syner at prosjektet nesten er endå betre enn då. Vi forventar at anleggsfasen startar i 2018, seier arbeidarpartiordføraren.
I selskapet jobbar dei dagleg vidare mot målet. Løyva og rammevilkåra er på på plass, og den geologiske vurderingar har synt at det er god førekomst av granitt. No prøvar dei å finne ut korleis dei skal få produktet ut med låge kostnadar. SÅ skal det finansierast og byggast.
– VI har hatt mange ulike datoar for oppstart, som har blitt utsette av ulike grunnar. OM alle faktorar spelar med, så er det snakk om oppstart seint i 2020 eller tidleg 2021.
