Alle kommunane i fylket vil få besøk av oss i løpet av dei neste vekene fram mot valet 9. september. Første stopp blir i Askvoll tysdag morgon, medan Høyanger får besøk tysdag ettermiddag.
– Vi har lyst å vere ute å høyre kva det er folk engasjerer seg i og kva dei bryr seg om, seier Stian Sjursen Takle, som er ein av dei som skal ut på vegen.
Han peikar på at vi som bur her i fylket er ganske like på mange område, men at vi også er ulike når det kjem til kva slags saker vi engasjerer oss i.
– Vi håpar å kunne syne fram det ekte engasjementet, det som betyr noko for folk, seier Sjursen Takle.
Programleiarane og reporterane som no skal ut på turné oppmodar alle om å kome med innspel til kva tema som bør takast opp.
– Fortel oss kva som er viktig på den plassen du bur, seier Tone Merete Lillesvangstu.
Slik blir turneen vår rundt om i Sogn og Fjordane:
(klikk på lenkene for å sende e-post med innspel!)
Tysdag 20. august:
Askvoll (morgonsendinga)
Høyanger (Direktesending frå Coop Høyanger frå kl. 14 til kl. 17)
Onsdag 21. august:
Hyllestad (morgonsendinga)
Vik (dagsendinga)
Torsdag 22. august:
Solund (morgonsendinga)
Kinn (dagsendinga)
Tysdag 27. august:
Sogndal (morgonsendinga)
Årdal (dagsendinga)
Onsdag 28. august:
Stryn (morgonsendinga)
Lærdal (dagsendinga)
Torsdag 29. august:
Flåm (morgon- og dagsendinga)
Måndag 2. september:
Gulen (dagsendinga)
Tysdag 3. september:
Fjaler (morgonsendinga)
Stad (dagsendinga)
Onsdag 4. september:
Bremanger (morgonsendinga)
Luster (dagsendinga)
Torsdag 5. september:
Sunnfjord (morgonsendinga)
Gloppen (dagsendinga)