– Du lærer deg å ha respekt for fjellet. Eg har opplevd mykje skummelt. Ras, uver og biler som køyrer seg fast i kolonnene.
I dag er det sol og ein iskald vind ved Vestredalsvatnet. Men ingen problem for dei få som vel denne overgangen. Det veit brøytebilsjåfør Sigve Nestegard kan snu fort.
– Og då er det eg som har ansvar for avgjerda om å stenge vegen, eller om me kan køyre kolonne.
BESTEMMER: Brøytebilsjåfør Sigve Nestegard har ansvar for avgjerda om å stenge fjellovergangen.
Foto: Oddgeir Øystese / NRKUpopulær
Brøytebilsjåføren seier det hender han må avvise folk frå kolonna om dei ikkje har gode nok dekk eller nok klede.
– Du får kjeft av og til. Særleg er det mange som ikkje trur at det er dårleg ver på fjellet når det er fint i dalen.
– Er det stor skilnad på grensene dei forskjellige brøytebilsjåførane har for å stenge vegen?
– Ja, det er det. Stor skilnad, stadfester Nestegard utan å ville røpe om han er av dei forsiktige.
Sjå 360-foto frå Låvisberget her:
Fryktar stans
Det alle brøytebilar er mest redde for er at ein bil skal få ein lang stans i kolonna. Då kan snøfokk fort føre til at alle blir ståande fast.
– Eg har ikkje opplevd det sjølv. Men det har vore nære på eit par gonger, fortel brøytebilsjåføren.
– Alle må lære seg å respektere vinterfjellet.
NRK meiner:
På kvar overgang gjer vi ei uformell vurdering av turen og vegen. Denne er basert på vegkvalitet, reiseavstand, natur og kva problem vêret på strekninga fører med seg:
«Kjem du frå vest startar Aurland-Hol som nesten ein anleggsveg. Men vegstandarden kjem seg mykje når du når toppen. Likevel er det vanskeleg å velje denne vegen når Hemsedalsfjellet berre er to kilometer lengre og har betre kvalitet og regularitet.»
Vi vurderer kvar fjellovergang på desse tre kriteria:
- Oppleving: 3 av 5 stjerner
- Tid og økonomi: 2 av 5 stjerner
- Regularitet: 1 av 5 stjerner
Gje oss din vurdering av FV 50 som fjellovergang her eller i kommentarfeltet under:
