NorSun permitterer nye 40 tilsette

Tidleg i september fekk alle dei 233 tilsette ved solcelle-energiselskapet varsel om permittering. Årsaka var vanskar med å få godkjenning av eit nytt produkt, og svak etterspurnad.

– Fredag fekk 40 tilsette den endelege beskjeden om permittering, seier hovudtillitsvald i NorSun, Hilde Larsen. Dermed er nærmare 90 personar i Årdal permitterte.

• LES OGSÅ: 233 tilsette varsla om permittering

Larsen fortel at dei tilsette forstår at bedrifta må kutte og spare pengar for å stå betre rusta for konkurranse.

• LES OGSÅ: Norsun i Årdal må ty til oppseiinga

– Folk veit permitteringane kjem, så dei er jo budde. Men det er jo ikkje kjekt. Så det er litt frustrasjon, seier ho.

Bedrifta har hatt ei tøft økonomisk år, og bedrifta har varsla at også neste år kan bli utfordrande.

Larsen seier dei tilsette ikkje har anna val enn å tole permitteringsvarselet.

– Vi har jo tru på dette. Det er marknaden som er ustabil, det er ikkje noko gale med produktet eller jobben vi gjer, seier ho.